ਕਦੇ ਕਦਾਈਂ ਪੌਣਾਂ

ਕਦੇ ਕਦਾਈਂ ਪੌਣਾਂ ਦੇ ਵਿੱਚ ਰਲ ਜਾਵਾਂ , ਦਿਲ ਕਰਦੈ
ਮੈ ਮਿੱਟੀ ਇਸ ਮਿੱਟੀ ਵਿੱਚ ਹੀ ਢਲ ਜਾਵਾਂ , ਦਿਲ ਕਰਦੈ

ਜਿਉਣਾ ਸਿੱਖ ਲਿਆ ਇਸ਼ਕ ਤੇਰੇ ਤੋਂ , ਹੁਣ ਤਾਂ ਸੁਣ ਧੀਮਾਨਾ
ਤੇਰੇ ਹਰ ਇੱਕ ਸ਼ੇਅਰ ਦੇ ਉੱਤੋਂ ਮਰ ਜਾਵਾਂ , ਦਿਲ ਕਰਦੈ

ਸਾਹ , ਹੁਸਨ , ਚਾਅ , ਰੀਝਾਂ ਸਾਰੇ ਕਰੂ ਨਿਛਾਵਰ ਤੈਥੋਂ
ਇਸ ਦੁਨੀਆਂ ਤੋਂ ਕੁਝ ਤਾਂ ਵੱਖ ਕਰ ਜਾਵਾਂ , ਦਿਲ ਕਰਦੈ

ਹਲਕੇ ਜੇਹੇ ਜਜਬਾਤਾਂ ਵਾਲੇ , ਗੱਲ ਗੱਲ ਤੇ ਕਿਉ ਰੌਂਦੇ
ਸ਼ਾਇਰਾਂ ਦੇ ਦਿਲ ਵਿੱਚ ਕਿ ਹੁੰਦੈ , ਪੜ੍ਹ ਜਾਵਾਂ , ਦਿਲ ਕਰਦੈ

ਰੱਬ ਨੂੰ ਦੱਸਣਾ ਰੱਬ ਵਰਗਾ ਹੀ ਯਾਰ ਮਿਲ ਗਿਆ ਮੈਨੂੰ
ਖੁੱਲੀਆਂ ਬਾਹਾਂ ਦੇ ਨਾਲ ਅੰਬਰੀਂ ਚੜ੍ਹ ਜਾਵਾਂ , ਦਿਲ ਕਰਦੈ ,,,