ਆਏ ਦਿਨ ਕ਼ਤਲ

ਆਏ ਦਿਨ ਕ਼ਤਲ ਹੋ ਜਾਂਦਾ ਪੜਾ ਜਦ ਅਖ਼ਬਾਰਾਂ 

ਬਲਾਤਕਾਰ ਦੀ ਸੰਖਿਆ ਵਧੀ ਕੁਝ ਜ਼ਿੰਮੇਵਾਰ ਨੇ ਨਾਰਾਂ 

ਕੱਪੜਾ ਉਹੀ ਜੋ ਤਨ ਨੂੰ ਢੱਕਦਾ ਬਾਕੀ ਤਾਂ ਸਭ ਲੀਰਾਂ

ਭੈਣ ਨਾਲ ਹੀ ਲਾਵਾਂ ਲੈ ਕੇ ਬਾਹਰ ਨੂੰ ਚੜ ਗਿਆ ਵੀਰਾ

ਜੰਗ ਧਰਮ ਦੀ ਮੁੱਕੀ ਨਹੀਂ ਹਲੇ ਕੌਣ ਕਿਸੇ ਤੋਂ ਵੱਡਾ  

ਛਾਲਿਆਂ ਦੇ ਨਾਲ ਪੈਰ ਭਰ ਗਏ ਉੱਤੋਂ ਰਾਹਾਂ ਦੇ ਵਿੱਚ ਖੱਡਾ

ਨਜ਼ਰ ਮਾਂ ਦੀ ਘੱਟਦੀ ਜਾਂਦੀ ਮੁੰਡਾ ਲਾਵੇ ਅਰਮਾਨੀ ਗੁੱਚੀ 

ਪੱਗ ਬਾਪ ਦੀ ਪੈਰ ਚ ਰੋਲ ਕੇ ਧੀ ਬਣ ਗਈ ਸੱਚੀ ਸੁੱਚੀ 

ਲਾਵਾਂ ਗੁਰੂ ਦੀਆਂ ਝੂਠੀਆਂ ਕਰਕੇ ਬਾਹਰ ਨਜ਼ਰ ਜੀ ਜਾਵੇ 

ਘਰ ਵਾਲਾ ਘਰੋਂ ਨਿਕਲਿਆ ਹੀ ਸੀ ਕੁੜੀ ਦੂਜਾ ਯਾਰ ਬੁਲਾਵੇ 

ਜਵਾਕ ਤਾਂ ਦੋ ਦੋ ਜੰਮ ਕੇ ਬੈਠੀ ਨਾ ਹੋਈ ਅੱਗ ਜਿਸਮ ਦੀ ਠੰਡੀ 

ਇੱਕ ਆਵੇ ਇੱਕ ਵਾਪਿਸ ਜਾਵੇ ਜਿਸਮਫਰੋਸ਼ੀ ਦੀ ਲਾਈ ਮੰਡੀ 

ਯਾਰ ਯਾਰ ਨੂੰ ਮਾਰ ਕੇ ਜਾਵੇ ਦੌਰ ਕਲਯੁੱਗ ਦਾ ਬਾਹਲਾ 

ਆਸ਼ਰਮ ਦੇ ਵਿੱਚ ਮਾਪੇ ਛੱਡ ਤੇ ਲੱਗਿਆ ਘਰ ਨੂੰ ਤਾਲਾ 

ਪੈਸੇ ਨੇ ਦੇਖ ਖੇਡ ਚਲਾਈ ਸਭ ਪੈਰੀਂ ਨੇ ਧਰ ਲਏ 

ਰਿਸ਼ਤੇ ਨਾਤੇ ਤੋੜ ਕੇ ਤੁਰ ਗਏ ਆਪਣੇ ਵੱਲ ਹੀ ਕਰ ਲਏ 

ਬਿਨਾਂ ਗੱਲ ਤੋਂ ਆਪਣਿਆਂ ਤੋਂ ਆਪਣਾ ਹੀ ਕੋਈ ਝੁਰਦਾ ਜਾਂਦਾ 

ਬੋਲ ਸਕੇ ਨਾ ਬੋਲ ਕੋਈ ਤੇ ਅੰਦਰੋਂ ਅੰਦਰੀ ਖੁਰਦਾ ਜਾਂਦਾ

ਰੱਬ ਵੀ ਹੱਥ ਸਿਰ ਤੇ ਮਾਰੇ ਕੀ ਕੁਝ ਦੇਖ ਲੋ ਘੁਲਦਾ ਜਾਂਦਾ 

ਜਿਹੜੀ ਗੱਲ ਤੋਂ ਰੋਕਿਆ ਤੈਨੂੰ ਉਸੇ ਵਿੱਚ ਹੀ ਰੁਲਦਾ ਜਾਂਦਾ 

ਗ਼ਲਤੀ ਕਰ ਲਈ ਇੰਨਸਾਨ ਬਣਾ ਕੇ ਉਹ ਵੀ ਪਿੱਛੇ ਮੁੜਦਾ ਜਾਂਦਾ 

ਜੀਹਦੀ ਜਿੰਨੀ ਕ ਲਿਖੀ ਉਹ ਆਪਣੀ ਭੋਗ ਕੇ ਤੁਰਦਾ ਜਾਂਦਾ।